DARMSTADIUM

DARMSTADIUM

opp. Palatinatus inf. in Strada montana, 2. leuc. a Rheno, 3. a Francofurto ad Moenum in Austr. Sub Principe proprio, ex Famil. Hassiaca. Castrum habet satis munitum, estque Caput regiunc. adiacentis: Captum fuit, principatu Philippi Magnanimi, iussu Caesaris, a Comite Burano, A. C. 1547. Huius Philippi fil. minimus Georgius I. frater Wilhelmi Cassellani, Darmstattinam lineam orsus, pater fuit Ludovici I. Philippi et Friderici, e quibus hic Homburgios sevit, iste improlis obiit: ille patris successor Fidelis cognommen, ob fidem i Caesarem, meritus, cum fratribus pactum Primogeniturae, in hanc lineam, introduxit, ob hereditatem patrui cum Mauritio agnato litigavit, Giessensem Academiam instituit, foedus Unionis dissolvit, translationem Electoratus in Bavarum improbavit, Obiit A. C. 1626. Eo, ex Magdalena Brandeburgica nati Iohannes, qui Breubacum incoluit, Henticus, Fridericus Cardinalis, et maiot his Georgius II. qui de carsa Marpurgensi cum Agnatis A. C. 1627. transegit: repentinâ morte oppreslus A. C. 1661. Ei successit ex Soph. Eleonora Saxonica, fil. Ludovicus II. cui aliqua contentio cum Electore Palatino A. C. 1662. ob ius Ecclesiasticum Umstadii orta est. Pater hic ex Elisabetha Holsatica Georgii et Ludovici; Frater autem eius iunior Georgius, Suecorum in bello Danico miles, Iteram a patre habitandam nactus est. vide Phil. Iac. Spener. Syll. Geneal. Histor. item in voce Hassia.